伶俐

台語半桶師雜記

阿媽咧打叠

當伊細漢的時猶閣啊臭奶呆，
牛奶喙仔落蹛伊的lo̍k櫥仔kuainn(莖)，
外圍閣有勇士幾若个咧常在，
阿媽咧做總指揮圍箍箍的愛。

閣一擺
當伊細漢的時猶閣啊臭奶呆，
牛奶喙仔落蹛伊的lo̍k櫥仔kuainn(莖)，
外圍閣有勇士幾若个咧常在，
阿媽咧做總指揮圍箍箍的愛。

行啊行一目睨仔行來到當今，
阿媽是病甲無舍世，阿媽是病甲真嵩重，
阿媽是病甲欲un--落(倒--落)，阿媽是病甲袂踞桶，
魔身仔亂鑽阿媽骨架空仔縫。

遐勇士今都頂做伊戰友敆伊，
也欲金光tshiāng tshiāng滾、也欲割肉治，
也欲關佇監仔內(kuán-á-lāi)、也欲吊筒滴，
戰鬥數濟擺回合咧圍點拍圓，
準掠伊無法無嘛好膽莫走咦~~~~~！

閣一擺
遐勇士今都頂做伊戰友敆伊，
也欲金光tshiāng tshiāng滾、也欲割肉治，
也欲關佇監仔內(kuán-á-lāi)、也欲吊筒滴，
戰鬥數濟擺回合咧圍點拍圓，
準掠伊無法無嘛好膽莫走咦~~~~~！

A-má leh tánn-tia̍p
Tng i sè-hàn ê-sî iáu koh ah tshàu-ling-tai，
Gû-ling-tshuì-á lak tuà i ê lo̍k-tû-á-kuainn，
Guā-uî koh-ū ióng-sū kuí-nā-ê ah tshiâng tsāi，
A-má leh tsò tsóng-tsí-hui uî khoo-khoo-ê ài。

Repeat
Tng i sè-hàn ê-sî iáu koh leh tshàu-ling-tai，
Gû-ling-tshuì-á lak tuà i ê lo̍k-tû-á-kuainn，
Guā-uî koh-ū ióng-sū kuí-nā-ê leh tshiâng tsāi，
A-má leh tsò tsóng-tsí-hui uî khoo-khoo-ê ài。

Kiânn ah kiânn tsi̍t-ba̍k-nih-á kiânn lâi kàu tong-kim，
A-má sī pēnn kah bô-siá-sì，A-má sī pēnn kah tsin siong-tiōng，A-má sī pēnn kah beh un--lo̍h，A-má sī pēnn kah bē ku-tháng，
Môo-sin-á luān tsǹg A-má kut-kè khang-á-phāng。

Hia ióng-sū tann-tō tíng-tsò i tsiàn-iú kap i，
Ā-beh kim-kong tshiāng tshiāng kún、ā-beh kuah bah tī，
Ā-beh kuainn tī kuán-á-lāi、ā-beh tiàu-tâng tih，
Tsiàn-tàu sòo-tsē-pái huê-ha̍p leh uî-tiám-phah-înn，
Tsún lia̍h i bô-huat bô mā hó-tánn-mài-tsáu ih~~~~！

Repeat
Hia ióng-sū tann-tō tíng-tsò i tsiàn-iú kap i，
Ā-beh kim-kong tshiāng tshiāng kún、ā-beh kuah bah tī，
Ā-beh kuainn tī kuán-á-lāi、ā-beh tiàu-tâng tih，
Tsiàn-tàu sòo-tsē-pái huê-ha̍p leh uî-tiám-phah-înn，
Tsún lia̍h i bô-huat bô mā hó-tánn-mài-tsáu ih~~~~！